近呢兩年,相信大家都發現,護膚品又多佐個新 items,叫做 “精華水”

大約兩年前岩岩開始有一大批精華水推出,當時連業內人士既我都覺得係gimmick 野,同爽膚水 / 化妝水咪又係一樣!XD

但當越出越多”精華水” ,試用完一支又一支之後….就發現不得了!原來真係有唔同!

其實普通化妝水主要具有二次清潔既作用,啫係有D 品牌係化妝水根本就係gentle exfoliator,係比我地用cotton pad 清潔皮膚用既,而”精華水”呢,就係利用小分子滲透原理,將精華中既成分透過水分而帶入肌膚底層,所以係有令護膚功效升級既作用既。而大部分而家品牌勁推既 “精華水”,都含有佢地既皇牌成分高達 50% 以上,所以百分百係如假包換既精華水呀! XDD

講佐咁耐,今次特登講呢個概念,係因為本身自己都好buy “精華水” 呢樣野!皆因我係極度敏感加極乾性肌膚,好多時就算上好厚既skincare,都仲係覺得好乾同埋滲透力不足,而呢兩年間,使用精華水令我感覺好佐好多! =]

當然,我愛用既精華水都會係比較低敏既,長期愛用既精華水有兩款,就係 Sassou 同 Clinique 喇! =]

Sassou 天女滴絕對係MORE Beauty Team 既全力推介! XD 我地全組都覺得佢既保濕力超勁! 滲透力勁快一d 都唔笠嫁! 超岩我呢d 乾性皮膚! 金萡成分修護效果好好,用完就已經覺得打好底,皮膚會好透好靚! 佢既護膚效果真係好好,係提升整體肌膚質素既好幫手! 不過佢既用量都比較多,BA 係教每一次都要拍三次嫁,如果咁用的話,一支好快用晒 XD

Sassou Angels Dew Shimmering Divine Moist 天女滴 $880/60ml

如果要數平少少又好用既,我會推介Clinique ,呢支Essence Lotion 就有分兩款既,我自己就用比較滋潤型既 I,個texture 會杰少少既,基本上成分都係保濕同亮肌成分,最特別係仲加入佐抗敏因子例如海藻萃取同羅望籽萃取,有輕微既抗敏功效 (當然唔會用佐就醫好敏感啦XD),自己用過都覺得舒服既 =] 坦白講,講護膚功效就冇Sassou 咁明顯,但都比一般toner好用同保濕 =]

CLINIQUE Even Better Essence Lotion $330/100ml

而講到”精華水”,不得不提另一個所有女士心目中既經典…就係 SK-II 神仙水! 都算係最早期既精華水之一吧! =]

SK-II Facial Treatment Essence 護膚精華 HK$950/150ml

神仙水最大既特點就係含大量Pitera,基本上就係一D 酵素黎既,可以好溫和咁去除肌膚上既角質同死皮,所以日日用,會覺得皮膚越多越白淨透亮! 而D 人話唔用之後會反彈,其實就絕對唔係神仙水既副作用,只不過你平日都有去開角質,突然唔去,當然會皮膚冇咁靚啦! XD 神仙水係我皮膚敏感前好愛既products,但最大既缺點就係容易刺激皮膚,敏感肌好多都唔受得嫁,知自己易敏感就唔好亂試! 但如果你係油性肌 / 混合肌,神仙水應該好岩你! =]

此文章引用自 SundayMore。如你不欲你的文章出現在我們的網站,請聯絡我們